Dyr Fättinger Heilgrueß

1. Eyn n Dreuzöntn Wunnmaands,
   eyn n sibzöner Jaar,
   daa kaam d Mueter Gottes
   auf Portn; s ist waar!

   Heil dir, Heil dir,
   Heil dir, o Maria,
   Heil dir, Heil dir,
   Heil dir, o Maria!

2. De heilige Maria -
   grad straaln taat ir Gwand.
   Ja, d Mueter von n Iesenn
   und von üns allsand.

3. De gantz Welt wurd gschütlt
   von Krieg und von Laid.
   Yn Portn gieng s schlecht aau;
   dös haat myn üns gsait.

4. Und Hirtn warnd s wider,
   wie z Bettlham unt:
   Dreu Kinder eyn n Feld drausst
   empfiengend de Kund.

5. Mit liebliche Worter,
   doch föst und bestimmt,
   spraach s, däß ünser Röttung
   von n Roosnkranz kimmt.

6. Mit n Vaterland aufwärts
   gieng s wider glei drauf.
   Dyr Junggfrau ir Fürspraach
   ist s Um und ist s Auf.

7. Mir sollnd nit vergössn,
   um was s für üns geet:
   um s Heil von de Seeln durch
   frumms Löbn und Gebet.

8. Gögn d Hoohfart und d Unzucht
   gaprödigt s gsteif an.
   "Graattß daadl nidert einhin
   und bleibtß in dyr Ban!"

9. "Nix gfallt halt yn n Iesenn
   wie d Rainet so guet.
   Dyrgögn füert ainn d Unzucht
   eyn d eebige Gluet."

10.Eyn n Dreuzöntn Gilbharts
   verließ s ünser Welt.
   Doch wacht s über üns aus
   n Himmlsgezeltt.

11.Befolhen sei d Haimet
   und s Land deiner Huet.
   Gib Frid üns und Wolfart,
   in Zagheit aynn Muet!

12.Dir, Junggfrau, besögnter,
   giltt all ünser Lob,
   dir, dö was dyr Iesen
   eyn n Himml erhob.

13.Dyr Erdkraiß sollt s preisn
   allzeit überall,
   in n Wöstn und Oostn,
   von n Berg und in n Tal.

14.De gantze Welt liebt yn
   dyr Maria irn Nam.
   Und gwiß steet nit naach aau
   dyr lusische Stamm.

15.Mir dankend, mir bittnd,
   mir singend zo dir,
   du Pfortn zo n Herrgot,
   du himmlische Zier!

16.Und wie sollt myn s zruggzaln,
   dönn Sögn und dö Gnaad,
   als däß myn all Sündd und
   all Schlechtigkeit graatt?

17.O Mörstern, o Roosn,
   deinn Mantl braitt aus;
   o Schirmerinn, weis üns
   eyn s himmlische Haus.

S "Avè de Fátima" in Bairischer Buechspraach/
O "Avè de Fátima" em Bávaro Livresco